Mahaganesh Panchratnam – Lyrics (Hindi and English)

Lyrics in Hindi

मुदाकरात्तमोदकं सदा विमुक्तिसाधकम्
कलाधरावतंसकं विलासिलोकरक्षकम्
अनायकैकनायकं विनाशितेभदैत्यकम्
नताशुभाशुनाशकं नमामि तं विनायकम्

नतेतरातिभीकरं नवोदितार्कभास्वरम्
नमत्सुरारिनिर्जरं नताधिकापदुद्धरम्
सुरेश्वरं निधीश्वरं गजेश्वरं गणेश्वरम्
महेश्वरं तमाश्रये परात्परं निरन्तरम्

समस्तलोकशंकरं निरस्तदैत्यकुञ्जरम्
दरेतरोदरं वरं वरेभवक्त्रमक्षरम्
कृपाकरं क्षमाकरं मुदाकरं यशस्करम्
मनस्करं नमस्कृतां नमस्करोमि भास्वरम्

अकिंचनार्तिमार्जनं चिरन्तनोक्तिभाजनम्
पुरारिपूर्वनन्दनं सुरारिगर्वचर्वणम्
प्रपञ्चनाशभीषणं धनंजयादिभूषणम्
कपोलदानवारणं भजे पुराणवारणम्

नितान्तकान्तदन्तकान्तिमन्तकान्तकात्मजम्
अचिन्त्यरूपमन्तहीनमन्तरायकृन्तनम्
हृदन्तरे निरन्तरं वसन्तमेव योगिनाम्
तमेकदन्तमेव तं विचिन्तयामि सन्ततम्

महागणेशपञ्चरत्नमादरेण योऽन्वहम्
प्रजल्पति प्रभातके हृदि स्मरन् गणेश्वरम्
अरोगतामदोषतां सुसाहितीं सुपुत्रताम्
समाहितायुरष्टभूतिमभ्युपैति सोऽचिरात्

Lyrics in English

Mudākarāttamodakaṁ sadā vimukti-sādhakam
Kalādhara-vataṁsakaṁ vilāsi-lokarakṣakam
Anāyakai-kanāyakaṁ vināśitebhadyakam
Natāśubhā-śunaśakaṁ namāmi taṁ vināyakam

Natetarātibhīkaraṁ navoditārka-bhāsvaram
Namatsura-ri-nirjaraṁ natādhikā-paduddharam
Sureśvaraṁ nidhīśvaraṁ gajeśvaraṁ gaṇeśvaram
Maheśvaraṁ tamāśraye parātparaṁ niran-taram

Samasta-loka-śaṅkaraṁ nirasta-daitya-kuñjaram
Daretarodaraṁ varaṁ varebhavaktra-makṣaram
Kṛpākaraṁ kṣamākaraṁ mudākaraṁ yaśaskaram
Manaskaraṁ namaskṛtāṁ namaskaromi bhāsvaram

Akincanārti-mārjanaṁ cirantanokti-bhājanam
Purāri-pūrva-nandanaṁ surāri-garva-carvaṇam
Prapañca-nāśa-bhīṣaṇaṁ dhanañjayādi-bhūṣaṇam
Kapola-dānava-āraṇaṁ bhaje purāṇa-vāraṇam

Nitānta-kānta-danta-kānti-mantaka-ātmajam
Acintya-rūpa-mantahīna-mantarāya-kṛntanam
Hṛdantare nirantaraṁ vasantameva yoginām
Tamekadanta-meva taṁ vicintayāmi santatam

Mahā-gaṇeśa-pañcaratnam-ādareṇa yo’nvaham
Prajalpati prabhātake hṛdi smaran gaṇeśvaram
Arogatām-adoṣatāṁ susāhitīṁ suputrataṁ
Samāhitāyur-aṣṭa-bhūtim-abhyupaiti so’cirāt