Shri Hanuman Chalisa – Lyrics with Meaning (Hindi and English)

हनुमान चालीसा - Lyrics in Hindi

दोहा

श्रीगुरु चरन सरोज रज, निज मनु मुकुरु सुधारि। बरनऊं रघुबर बिमल जसु, जो दायकु फल चारि॥ बुद्धिहीन तनु जानिके, सुमिरौं पवन कुमार। बल बुद्धि विद्या देहु मोहिं, हरहु कलेश विकार॥

चौपाई

जय हनुमान ज्ञान गुन सागर। जय कपीस तिहुँ लोक उजागर॥

राम दूत अतुलित बल धामा। अंजनि पुत्र पवनसुत नामा॥

महाबीर बिक्रम बजरंगी। कुमति निवार सुमति के संगी॥

कंचन बरन बिराज सुबेसा। कानन कुंडल कुंचित केसा॥

हाथ वज्र औ ध्वजा बिराजे। काँधे मूँज जनेऊ साजे॥

शंकर सुवन केसरी नंदन। तेज प्रताप महा जग वंदन॥

विद्यावान गुनी अति चातुर। राम काज करिबे को आतुर॥

प्रभु चरित्र सुनिबे को रसिया। राम लखन सीता मन बसिया॥

सूक्ष्म रूप धरि सियहिं दिखावा। बिकट रूप धरि लंक जरावा॥

भीम रूप धरि असुर सँहारे। रामचंद्र के काज सँवारे॥

लाय सजीवन लखन जियाये। श्रीरघुबीर हरषि उर लाये॥

रघुपति कीन्ही बहुत बड़ाई। तुम मम प्रिय भरतहि सम भाई॥

सहस बदन तुम्हरो जस गावैं। अस कहि श्रीपति कंठ लगावैं॥

सनकादिक ब्रह्मादि मुनीसा। नारद सारद सहित अहीसा॥

जम कुबेर दिगपाल जहाँ ते। कवि कोबिद कहि सके कहाँ ते॥

तुम उपकार सुग्रीवहिं कीन्हा। राम मिलाय राजपद दीन्हा॥

तुम्हरो मंत्र विभीषन माना। लंकेश्वर भए सब जग जाना॥

जुग सहस्र जोजन पर भानू। लील्यो ताहि मधुर फल जानू॥

प्रभु मुद्रिका मेलि मुख माहीं। जलधि लाँघि गए अचरज नाहीं॥

दुर्गम काज जगत के जेते। सुगम अनुग्रह तुम्हरे तेते॥

राम दुआरे तुम रखवारे। होत न आज्ञा बिनु पैसारे॥

सब सुख लहै तुम्हारी सरना। तुम रक्षक काहू को डरना॥

आपन तेज सम्हारो आपै। तीनों लोक हाँक तें काँपै॥

भूत पिशाच निकट नहिं आवै। महाबीर जब नाम सुनावै॥

नासै रोग हरै सब पीरा। जपत निरंतर हनुमत बीरा॥

संकट तें हनुमान छुड़ावै। मन क्रम वचन ध्यान जो लावै॥

सब पर राम तपस्वी राजा। तिनके काज सकल तुम साजा॥

और मनोरथ जो कोई लावै। सोई अमित जीवन फल पावै॥

चारों जुग परताप तुम्हारा। है परसिद्ध जगत उजियारा॥

साधु संत के तुम रखवारे। असुर निकंदन राम दुलारे॥

अष्ट सिद्धि नौ निधि के दाता। अस बर दीन जानकी माता॥

राम रसायन तुम्हरे पासा। सदा रहो रघुपति के दासा॥

तुम्हरे भजन राम को पावै। जनम जनम के दुख बिसरावै॥

अंत काल रघुबर पुर जाई। जहाँ जन्म हरिभक्त कहाई॥

और देवता चित्त न धरई। हनुमत सेइ सर्ब सुख करई॥

संकट कटै मिटै सब पीरा। जो सुमिरै हनुमत बलबीरा॥

जय जय जय हनुमान गोसाईं। कृपा करहु गुरुदेव की नाईं॥

जो सत बार पाठ कर कोई। छूटहि बंदि महा सुख होई॥

जो यह पढ़ै हनुमान चालीसा। होय सिद्धि साखी गौरीसा॥

तुलसीदास सदा हरि चेरा। कीजै नाथ हृदय महँ डेरा॥

दोहा

पवन तनय संकट हरन, मंगल मूरति रूप। राम लखन सीता सहित, हृदय बसहु सुर भूप॥

Hanuman Chalisa - Lyrics in English

Doha

Shree Guru Charan Saroj Raj, Nij Manu Mukuru Sudhaari। Barnaun Raghubar Bimal Jasu, Jo Dayaku Phal Chari॥ Buddhiheen Tanu Jaanike, Sumiron Pawan Kumar। Bal Buddhi Vidya Dehu Mohin, Harahu Kalesh Vikar॥

Chaupai

Jai Hanuman Gyan Gun Sagar। Jai Kapis Tihun Lok Ujagar॥

Ramdoot Atulit Bal Dhama। Anjani Putra Pavanasut Nama॥

Mahabeer Bikram Bajrangi। Kumati Nivaar Sumati Ke Sangi॥

Kanchan Baran Biraj Subesa। Kanan Kundal Kunchit Kesa॥

Haath Vajra Aur Dhwaja Birajai। Kaandhe Moonj Janeu Saajai॥

Shankar Suvan Kesari Nandan। Tej Pratap Maha Jag Vandan॥

Vidyavaan Guni Ati Chatur। Ram Kaaj Karibe Ko Aatur॥

Prabhu Charitra Sunibe Ko Rasiya। Ram Lakhan Sita Man Basia॥

Sookshma Roop Dhari Siyahi Dikhava। Vikat Roop Dhari Lank Jarava॥

Bheem Roop Dhari Asur Sanhare। Ramchandra Ke Kaaj Saware॥

Laye Sajeevan Lakhan Jiyaye। Shri Raghubeer Harashi Uralaye॥

Raghupati Keenhi Bahut Badai। Tum Mam Priya Bharat Hi Sam Bhai॥

Sahas Badan Tumharo Jas Gaavein। As Kahi Shripati Kanth Lagaavein॥

Sanakadik Brahmaadi Muneesa। Narad Sarad Sahit Aheesa॥

Yam Kuber Digpal Jahan Te। Kavi Kovid Kahi Sake Kahan Te॥

Tum Upkar Sugreevahin Keenha। Ram Milaye Rajpad Deenha॥

Tumharo Mantra Vibheeshan Maana। Lankeshwar Bhaye Sab Jag Jaana॥

Yug Sahasra Yojan Par Bhaanu। Leelyo Taahi Madhur Phal Jaanu॥

Prabhu Mudrika Meli Mukh Maaheen। Jaladhi Laanghi Gaye Acharaj Naheen॥

Durgam Kaaj Jagat Ke Jete। Sugam Anugrah Tumhare Tete॥

Ram Dware Tum Rakhware। Hot Na Aagya Binu Paisare॥

Sab Sukh Lahe Tumhari Sharna। Tum Rakshak Kaahoo Ko Darna॥

Aapan Tej Samhaaro Aapai। Teenhon Lok Haank Te Kaapai॥

Bhoot Pisaach Nikat Nahin Aavai। Mahaveer Jab Naam Sunaavai॥

Naasai Rog Harai Sab Peera। Japat Nirantar Hanumat Beera॥

Sankat Te Hanuman Chudavai। Man Kram Vachan Dhyan Jo Lavai॥

Sab Par Ram Tapasvee Raja। Tin Ke Kaaj Sakal Tum Saaja॥

Aur Manorath Jo Koi Lavai। Sohi Amit Jeevan Phal Paavai॥

Charon Yug Partap Tumhara। Hai Parsiddh Jagat Ujiara॥

Sadhu Sant Ke Tum Rakhware। Asur Nikandan Ram Dulare॥

Asht Siddhi Nau Nidhi Ke Data। As Bar Din Janaki Mata॥

Ram Rasayan Tumhare Pasa। Sada Raho Raghupati Ke Dasa॥

Tumhare Bhajan Ram Ko Paavai। Janam Janam Ke Dukh Bisraavai॥

Ant Kaal Raghubar Pur Jayi। Jahan Janam Hari Bhakt Kahayi॥

Aur Devta Chitt Na Dharai। Hanumat Sei Sarva Sukh Karai॥

Sankat Kate Mite Sab Peera। Jo Sumirai Hanumat Balbeera॥

Jai Jai Jai Hanuman Gosai। Kripa Karahu Gurudev Ki Naai॥

Jo Sat Baar Paath Kar Koi। Chhootahi Bandi Maha Sukh Hoi॥

Jo Yah Padhe Hanuman Chalisa। Hoye Siddhi Saakhi Gaurisa॥

Tulsi Das Sada Hari Chera। Keejai Naath Hriday Mah Dera॥

Doha

Pavan Tanay Sankat Haran, Mangal Murti Roop। Ram Lakhan Sita Sahit, Hriday Basahu Sur Bhoop॥